إجيتك اشوفك واشوف شبيك...

إجيتك اشوفك واشوف شبيك
اثر جف على ظهرك ضدي مدفوع
ومشروع قتلي قيد الانجاز
واهنيك اغتيالي خوش مشروع
انا السويت ظهري إلك بستان
والف خنجر ليهسه بظهري مزروع
طبع دله قهوة انا طبعي وانت فنجـان
علي تركص وانا منزلك دمـــــوع
غبت عني واتاني وصارلي سنين
ويسألوني واكللهم غايب اسبوع
تعال وشوفني بعدكك ياالمحبوب
صرت موضوع للجانولي موضوع
اذا طيفك يمرني بوحشة الليل
اشم ريحة حرك ما بين الضلوع
مثل ام وكلبها بخمسه مفجوع
صرت يونس ولكن ما شفت حوت
بكل ديرة الاطبها تبلعني الفروع
لكن ما امل والامل موجـــود
شما زاد الالم ما اصيح موجوع
صدكني الشمس لمن يجي الليل
ما تفتح حلكها كبال الشمـوع
من اطش بذرة كلامي بسطح الانهار
على الجرفين ينبت صوت مسموع
وانا بطبعي احتقر شخصية الخيط
رغم طوله ضعيف وكاتله الجوع
يمشي براي الابرة مغمض العين
ويبات بمذلة بثوب مــــدروع
خذاك شلون غيري واقتنع بيك
واثر شفتي على خدك لسه مطبوع
كطعت رجلين حظي وما كعد يوم
وخسرت اقمار ليلي بليل الاقمار
صح سن العقل ما طلع لكــن
بعقلي سنون طلعت تاكل افكار

» متى متى خلي اشوفك...

إرسال الصورة

إجيتك اشوفك واشوف شبيك...