أحلفك بأغلى شي عندك...

احلفك باغلى شي عندك ترد اليوم
ترة بجيتك نبض گليبي اللي إنطفى ترجعه
احلفك بالنجوم اللي تضوي بيها سماي
لان ضلمة بغيابك دنيتي وبشعه
دي ردلي وخلي افهمك كلمة عندي وياك
وحگ عينك احبك والخلق سبعة
زرعته الگلبي بارضك وانت ما فهمان
وإذا ماراضي افهمك هسة اقتلعه
اشلعة الگلبي من اوتار حزن الگاع
وادفنه بنص خرابة واشعله الشمعة
عشگتك ردت اكلك وانت ماحسيت
عشگتك عشگ غرگان وحضن جذعة
وشعلت بخور روحي حتى تشم عطور
وتشم ريحت محبتي وتنكر الزرعة
ولك ساحر احسك تلعب على الروح
وحس حالك سحرني وعبرت الخدعة
احس گلبي طفل يمك صرخ صرخة
وترا تعرف يموت الطفل لوماترضعه

» أحلفك بالمحبة...
» إذا كان عندك شمعة واحدة في حياتك فلمن ستشعلها؟...

إرسال الصورة

أحلفك بأغلى شي عندك...