من الابوذيات والشعر الدارمي...

العشك يكتل ياصاحبي وانت داري
و هاك القلب يمك وانت داري
وانت عمي وانت خالي وانت داري
وانت ابويا وامي وكل عزيز إليا

الك بايع دليلي وانت حر بيه
اموت اني بحبك وانتحربيه
افجر كلمن يحبك وانتحر بيه
لان مخصوص حبك بس إليا

شلونك شلون الدار وشلون الاحباب
اذكر جرح بجلاك بشرني ما طاب

علمني عانسيان ارد انسه ضيمك
وي غيري كمره تصير بس حصتي ضيمك

همك وخم الناس وهم هم الهموم
لو وحده منهن بيك ماتكدر تكوم

هم الليالي تعود واتعاتب وياك
احجايه للشمات خلاني فركاك

يا عازه الخوان عازتها عازه
والماوراها صياح وحشه الجنازه

مبخوت اضل للشيب يافلان اذكرك
وينكرني نور العين كون من انكرك

متعجب المهموم يشرب جكاره
قلبي بكثر مانوح تجويني ناره

اكعد بتال الليل وادعي بصلاتي
ياربي بعد فلان شلي بحياتي

يسالني البطران حالك اشلونه
الغاضب الله عليه هم ينشدونه

دمك نفــــس دمي وثبت بالتحليل
وچذب لا إنــــت اخوي ولا إنت إبن عمي
صرت نفس الفصيلة وياي تعرف ليش؟
لان خلصت عمـــــرك تشـــــرب بدمي

ياصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد ليه

كلبي مافرح عكـــــــــــبك ولاسار
وقدمي ماخطى الغيرك ولاسار
اخبرك مابقت كلمه ولاسار
فضحني الدمع من غصـــبن عليا

وحق كلبك وعينك ورمشاك
اضل طول العمر امشي وره ممشاك
عليل ومرضي ورم شاك
تطيب جروحي من تمد ايدك عليا

افرح لو شفت وجهك وسر بي
وحبك ثابت بكلبي وسر بيه
شما طال الدرب امشي وسر بي
ابعث الروح لعيونك هديه

صدكنيي جذب من كال الموت مره
وصدكني اليحب شما تعذب حلو مره
واتمنى ابوس اشفافك كون بس مره
وذا تشتاك للغالي تشوف الموت كم مره
واتمنى تحس بيا فرد مره
تعال ارجوك واتلاحك عليا

يا صاحب هاك اخذ مكتوب وصله
واريد اعرف عمامه منين و اصله
كلبي عليك صار 12 وصله
كل وصله تصيح جيبو اليه

عاشراني حلو وبطبعي عاشراني
واظل دايم طول العمر معاشراني
اذا تسعه الحبوك والعاشرة اني
اذن الرقم 11 والله خطيه

تعال احسب بهمي عده انته
وگلبي شعده غيرك عده انته
ازعل الدنيا كلهه ماعده انته
لأن زعلك يزعلني عليه

اريد افرمت كلبي والغي رامه
واشيل العشك منه والغي رامه
عليك انت المخطط والغرامه
لان حسنك كسر غفله عليه

اريد انشد شعر فصـحـى و شعـبي
و اشـيد بشيمة اجدادي و شعـبي
و اخبر كل شعر عنهم و اشـع بي
و أگـول اشعارهـم و الابوذيــة

أحب اثنين بس أهلي والعراق ..
وحبك يا وطن بيا والاعراق ..
كل طيبة جذر مني والاعراق ..
من طيبة أهل خير البرية

سلام وطيب يحبابي وصلنه
وعسى ما ينكطع منكم وصلنه
الهوى اليهب منكم وصلنه
اشمه وترد روحي عليه

سلامي وياك للخوان وصله
لهلي اهل الكرم والطيب واصله
صدكوا لو بقى من الجسم وصله
تبقى تحن لارض العامرية

كلب صافي لون تهوى كلبنه
وابد مايوم عـالصاحب كلبنه
احنه اظلوع الك وانت كلبنه
ونحافظ عـالكلب من كل اذيه

حبك شامة بخدودي ودكة
واحط بالكلب بسمارك وادكة
شكم دكة شفت منك ودكة
ورغم كل هذا حبك موبدية

الوكت وكعنه وكنعه وكلبنه
وابد مايوم على غالي كلبنه
احنه ضلوع الك وانت كلبنه
وانخاف اعله كلبك من كل اذيه.

عكب طيب الليالي مرمرني
سنين السعد راحن مر مرني
كوس الشهد زادي مامرني
حنضل صارن بفركا الاحباب

ذبحتونا يبو كذيله بلا موس
وهمت مجنون من ضيمك بلا مس
احبابي من ذكرناكم بالامس
بجينا دموع بللنا الثياب

زمان صباي كوطر وله جنه
وصرت مثل اليتيم الوله جنه
عفتنا يا مدلل والله جنه
انتباها بيك من دون الملا

مجانك طاغي واحتل كل جاني
كمت احسد الشامت كل بجاني
عانكتك وشعرك كل بجاني
نوجد عذري بعد شيفك اديه
رائد ابو فتيان

العمر ياصاح من هجرك تمرمر
بدليلي سهام شماتي تمرمر
أنشدك هم كبل ضايك تمر مر
التمر مر بغيابك مر عليه
للشاعر رائد ابو فتيان

ماظل كل عظم صاحي دهدهن
تجرجر بالمصايب شو دهدهن
ولك دمعات البعينك دهدهن
عليمن حابس دموعك خطيه
منقول

غيابك خلل اعضامي وهدهن
وجر حسرات ببعادك وهدهن
الي دمعات لو أبجي وهدهن
تفيض اليابسه ونغرك سويه
منقول

مثل ماي شيكضك وانت جاري
وبس ماشي اليودك وانت جاري
تعذبني بمحبتك وانت جاري
واظن رب العرش وصاك بيه
منقول

وحق أية تبارك وأنتنازل
وحق مصة أشفافك أنت نازل
اذا بغداد دارك وانت نازل
أسويلك سحر وترد اليه
منقول

حزن دنياي تمطر ماصحتلي
وردت فرصه اشوفك ماصحتلي
وكفت اكبال عينك ماصحتلي
صحتلك مادرت وجهك عليه
منقول

سوالف راحن ابالي وجن حين
وحيل اتسودن بحبك وجن حين
كلب طير ارتجي من الله وجن حين
اطيرن ليك بيهن كل مسيه
للشاعر ميثم فالح

رفعت اعلام حبنه فالسرايه
وهزمت جيوش خوفي فالسرايه
قره القرأن كلبي فسر أيه
ولكاك تجوز دنيه ودين بيه
للشاعر عدي العكيلي

يانادر تكتل بطبعك وندراك
ويمته الطيبتك نوصل وندراك
أخو للكلفه اعرفنك وندراك
ذخر للدنيا من تميل عليا
منقول

راحت روحي تتمشه ورمشاك
جفنك مني جرجرها ورمشاك
رمش اني احب رقمك ورمشاك
ترد الروح من ترمش عليه

حبيبي شلون حالك وصفه اليه
عوف الناس كلهه وصفه اليه
مريض وصرت انت وصفه اليه
من اشوفك كل مرض مايبقه بيه

كمت أكتب شعر وآني موشاعر
وبلكت بيك تتحرك المشاعر
شجاك شمالك بحبي ماشاعر
شسوي أنتحر حتى تحن عليه

أحب حرفين بسمه السين واللام
ولجلك صرت أحمل عتب واللام
آنه أطشر بدربك وارد واللم
ولا أتحمل أبد زعلك عليه

صباح الخير ياساقي وردنه
سنه وسنتين مايذبل وردنه
على طول العمر زاهي وردنه
تره انت الورد يال تسأل عليه

حبيبي الوصف عاجز يوصف انته
يا حلاته وياضحكته ويا صفنته
عمت عين المدارس يا صف انته
انته المدير بكبره الك ياخذ تحيه

صحيح بعيد بس قلبي شعر بيك
حزين وباقي بس يكتب شعر بيك
عجيبه شلون باقي اسود شعر بيك
أنه بفركاك ماظل شعر بيه

يبجي الكلب من فركاك سكتــــــــــــة
القطار شلون يمشي بغير سكتــــــــــــة
الكلب من فركاك صاير بي سكتــــــــــــة
سبع جلطات اذا ما تسأل عليه

وينك يل غبت عن عيني بسكوت
ودمع العين يجري عليك بسكوت
اني اللي نطيتك نستلة وبسكوت
عندك ببسي واتضمه عليه

من شاف الحسن حسنك شهدلك
و دز غيمة نحل تمطر شهد لك
اهد روحي وبعد مدري شهدلك
اهد كلشي واجيك ازحف بديه

هجرت القلم من بعدك والكتاب
ودليلي من العشك صدك والك تاب
وحك العرش والقبلة والكتاب
اذكرك كل صباح وكل مسية

من تبعد احس بالروح ورم شك
وللموت اضل امشي ورمشاك
لون بيدي اشد رمشي ورمشاك
واشبع شوف منك للمنية

مشيت ومعرفت قصدك ونوياك
واذا ونيت احس كلبي ون وياك
بدينه جانت الدنيا و انا وياك
مشيت وطاحت الدنيا عليه

عكب عينك ابد ماعين تحله
عزيز وبالكلب كل يوم تحله
اذا وياك حتى الحزن يحله
خلى شما يصير يصير بيه

يلتسحك على الروح عمي ارد اوصيك
اسحكها بس علكيف حتى استلذ بيك
ما مره وحدي مشيت
من امشي اثنين
لو انت تمشي وياي
لو دمعه العين

مو عجيبه السهم من يضرب يصيب
ومو عجبيه الجرح يشفى من غير طبيب
ومو عجيبه الشمس تطلع وتغيب
بس العجيبه المحب ينسى حبيب

ودي اموت اليوم وأعيش باجر
واشوف منهو بعد موتي فقدني
ومنهو لذيك المقابر حملني
واشكر كل من كرمني ودفني
شخص تعنا لي مع انه مسافر
وشخص قريب بس للأسف ماذكرني
ومنهو يرتب غرفتي والدفاتر
وإذا شاف صورتي بكى وحضني

كل حلو ينباس بس انت الوحيد
دخنه بيك او عدنه صارت هوسه
خدك يكهرب وليبوسك يطيح
كمنا من ابعيد ناخذ بوسه
بخدمتك عمي شنهي اتريد بس كول
اجيب الي تريده اصلاله بل ايد
وذا متريد شي كول هم صار
بخدمتك هم اجيب الكلشي متريد
مسح تحديد للكل اني سويت
واسمك هم بقه اتعداه التحديد
عده صوتك نشاز باذني اي صوت
او حتى الصرخه منك جنه تغريد
نعم غيرك اكو حلوين وهواي
لكن بس انت اصلي او همه تقليد
ما اشتهي يوم احجي ويه غيرك
ولا تشتهي عيوني غيرك تشوف
تدري اشكد لهفتي عليك يا افلان
بكد ضيم العراق عليك ملهوف

شنهي الدوه الموصوف للماينامون
دلوني ياعشاك لاتعمه العيون
باسمك اسمي الناس صارتلي سوله
وحتى اسمي اغلط بيه واسمك اكوله
عاتبت كل الناس وما عاتبيتك
انت الحرس للناس وتبوگ بيتك
لا من انس يافلان لا انت من جان
مايحل قضيتي وياك بس كوفي عنان
اشينفع المكتوب لو ردت اوديه
كون التريده الروح اكعد واحاجيه
بهاي اشوفك طيف وبهاي اباريك
لو تعمه هاي وهاي بالروح اخليك
مسعد ينام الليل خالي من الهموم
حزن اليموت اسبوع حزن العدل دوم
ذمه بركبتك هاي لو ميت اني
علكبر تكتب مات جي مانساني
صابر اظل اسنين وانطر ترجعين
نشفيلي دمع العين يااجمل سنين
جمر وثلج فد كاس ينجمعن شلون
الجمر لون شفاك والثلج السنون
صار العشك وياك ياعمي موده
انا ابيض من البيض وتكولي سوده

ما اضن بالبشر مثلي من صدك لو راد يهوه
وما اضن يشبهني واحد لو عشك يعشك بقوه
انا كلبي عشكه واضح لان عندي العشك سلوه
... وانا حبي دومه صافي ابد ما خبطته النزوه
... ... لذا ولفي ارد اخبره مقعد بكلبي يتبوه
... وارد اصيح بعالي حسّي بهالعشك شفت انا نشوه
وارد اكله انا احبك وانت الي يا ولفي الدوه
وارد اكله جروحي تشفى من تمر عالبال طروه
وارد اكله والله احبك والله احبك هي كوه
لان كل ليله من اذكرك للصبح ابقى اتلوه
ولان عيني من اسولف بيك تبجي منتفوه
ولان كلبي من يشاهد صورتك من عدها يروه
ولان فكري ما يعوفك بيك بس الفكره حلوه
انت محبوبي وحياتي وبعدك الدنيا ماتسوه
انت شجرة عشك خضره دوم ما عرفت القسوه
وانت نور العيني واقسم من ضيائك ماكو ضوه
والله احبك وابقى احبك لو اطيح بميت بلوه
والله احبك وابقى انا لجلك بنار اتجوه

يريدوني أبيع الروح وانساك
ويريدوني اجامل واحجي ضدك

ما يدرون لو للصبح يحجون
اغلس وابقى افكر بيك وحدك

ولان يدرون احبك كاموا يكرهوك
... ومن كرهوك بيا ازداد حبك

ومن گد ما عزيز بعيني اخليك
واجي يمهم واصيحن حيل اودك

واكتبلك قصيدة واسمك العنوان
وابد مابيها غير بس كلمة احبك

صورتلي الدنيا جنه
وعودت قلبي عليك
تعلمت عطرك اشمه
لمى تحظني ايديك
كلي شمسويلي انت
احجي بس الله عليك
يوم الي شفتك اني
ثاني يوم حلمت بيك

اذا هيج البعد غير بالكلوب
اشو كلبي فقير وبعده صافي
واذا صابك غرور وتمشي مكلوب
تره بضهرك تكول الناس متعافي
حلاة البشر لو صاحب يضل دوم
يذكر صاحبه وما لحظة يجافي
بس انت نسيت بلا سبب ليش
وانا الجنت اضنك دوم وافي
الف وسفه المضاهر غرتك حيل
كلي شنو ضام بكلبك بعد وشخافي

صدك من رحت ما مبتسم لليوم
صدك من عفتني الضحكه ناسيها
وصدك عيني بعدك زعلت من النوم
تعال انت الوحيد وفدوه راضيها
تعال الدمع خلص ما بقى بالعين
بقت دمعه وحدة واريد بحضنك ابجيها

الـفـاقـد حـنـان يـجـازف هـوايا
الـمـهـم يـلـكـى حـب بكلب الـيـريـده
غـزالـة تـحـب نـمـر مـافـكـرت بـالـمـوت
بس كان يهمها لـمـسـت حـنـان بـطـرف ايـده

من الابوذيات والشعر الدارمي... 74287562

ذكرتك بالبعد من نشفت الدمعات
ياشريان كلبي وبعد شحجيلك
أرجع مابقن بالكلب بس دكتين
دكة تصيح احبك دكة تبجيلك

نصحت الكلب من حبك ولا فاد
وجويته بنار صدكني ولا فاد
هواي علاج جابولي ولا فاد
دواي أنت يهل مبعد عليا

حضوض الناس حلوة شماله حضنه
ومثل شخصك يغالي مالحضنه
كون كلبك يوم مال احضنه
ويضل طول العمر ساكن بيديا

غمض عينك حبيبي النظر جذاب
واريد بعين كلبك كون تقراني
وامسح من خيالك كل الضنون
انسى الدنيا كلها وعيب تنساني
خليني على كيفك وين متريد
راح بكل عباره عشك تلكاني
حسسني بمحبتك كبل ماأموت
خل اصرخ واكولن صار دفاني
مشيني على رايك مقتنع واهواك
وراح اتفاخر واصيح الحلو مشاني

جذب الي كلك مسولف علبك بالشين
وحك ذاك الفداه الله بكبشن
يفني من اللضى بهجرك بكه بشين
وشي من جهنم سال بيا

غميجه آبار كلبي ودلي منهن
ولابيهن أسولف ودلي منهن
أذا عندك ياصاحب ودلي منهن
بعد جرحين وأوصل للمنيه

إرسال الصورة

من الابوذيات والشعر الدارمي...

نصحت الكلب من حبك ولا فادوجويته بنار صدكني ولا فادهواي علاج جابولي ولا فاددواي أنت يهل مبعد عليا

نصحت الكلب من حبك ولا فاد
وجويته بنار صدكني ولا فاد
هواي علاج جابولي ولا فاد
دواي أنت يهل مبعد عليا