نسوان اثنين يسولفن...

نسوان اثنين يسولفن

1: ليلة البارحة كانت من اجمل الليالي في عمري ..... وانتي شلون كانت ليلتك.؟؟؟؟

2: كانت بايخة ، زوجي اجة للبيت بالليل واكل العشاء خلال 3 دقايق وبعدها بدقيقتين نام وكام يشخر...

1: لااااااا بالنسبة ألي كانت من أروع مايكون ؛ زوجي اجة للبيت بالليل وأخذني نتعشى برة بمطعم رومانسي ، وبعدها تمشينا ساعة كاملة ، ولمن وصلنا البيت شعل زوجي كم شمعة بالبيت وكعدنا ندردش ساعة كاملة ،آآآآآآآهـ .... كانت ليلة خيالية.

وبنفس الوقت كانو الازواج يسولفون سوية بالشغل وبنفس الموضوع

1: شلون ليلتك البارحة ؟؟؟

2: أبد سلامتك ، وصلت البيت وكان العشاء جاهز فتعشيت وحطيت راسي ونمت من وكت، ليلة ممتازة ، وأنت؟

1: أووووووف ، كانت ليلة مأساوية ، وصلت للبيت على وكت ... والهانم ممسوية عشة .. اضطريت اخذها واطلع نتعشة برة بالمطعم .......ومن كملنا العشة واجيت احاسب .. طلع المطعم كلش غالي .. وماكنت محسب حسابي .. ومابقة ولا فلس بجيبي ..حتى كروة للرجعة ماكو ... اضطريت ارجع مشي للبيت ... وكعت رجلينة ساعة كاملة نمشي وطلع مو عشة طلع زقنبوت ... وصلت للبيت لكيت الكهرباء ماكو .. همزين لكيت توالي مال شمعة شعلتها ... وبقيت ساعة كاملة كاعد والهانم تدردم اكلت راسي

إرسال الصورة

نسوان اثنين يسولفن...