Alashoria
المديرة العامة
نقاط : 68910
مُعدل تقييم المستوى : 0
تاريخ التسجيل : 20/10/2010
 | | موضوع: غزل عراقي... الخميس فبراير 03, 2011 4:45 am | |
|
من كثر ما مشتاك يمكن انجنيت...اكل بصل مثروم حسبالي جكليت
الدهر صاير چاي والدنيا قوري .... ليش اليحب يا هواي ينضرب بوري
لمن اشوف هواي يخدر شعوري ...... خدرت بالفانوس حسبالي قوري
شوفو زماني شلون من يأذي يأذي..... خلاني شجرة موز بين الشواذي
وين البخت يفلان وتكلي مبخوت .... صرت اشتغل دفان محد رضى يموت
زين البخت وياك واصل لهل حد .......... احفر كبر للمات كالو عدل رد
كَالوا بعد سنتين ونوزع بيوت .......... تاليها حتى المات ماعنده تابوت
فيتر صرت يا ناس والعيشه كشره........... وين اليضب الروح بسبانه عشرة
دورلي فيتر زين من روحي مليت......... لا بدي لا رنكات بس شاصي ضليت
من كثر ما مشتاك خبلت نفسي............ اشرب نفط بالكوب حسبالي ببسي
من كثر ما مشتاك صرت اني مخبول.... اتفرج الاخبار حسبالي كعبول
من كثر مامشتاق وحبك بنفسي .......... وكفت الامريكان حسبالي تكسي
احول حبيب الروح اثول مطفي ........... لاكاني عين بعين باس الي بصفي
اطبخ وافكر بيك يا حلو العيون............ بالمركة اخبط جاي حسبالي معجون
ليش الرساله وياي عندك خسارة.......... ماظن خمس سنتات يبنن عمارة
طلعت تطش الزبل و لمعن تراجيهه.... و لوما اخوهه الخبل لاعبر و احاجيهه
من كثر ما مشتاك ينرادلي جية............... وكفت لامريكان حسبالي كية
طلقات اسوي الروح و لفراكك احزن .....وكل ما تمر عالبال ارميلي مخزن
عود انة مثل الناس هم عندي بطة...........راحت تغط بالماي والغطة غطة
فرفح جهازي عليك ثق هلهل الرام..... والشحن من دكيت يركص هجع كام
اريد احفر التبليط و ازرع بتيتة............... ليش اليحب حلوين ينهجم بيته
اليكولك اني انساك كله انت اعمه........... و انزله دك كلات كسرله خشمه
بطل وربع جريت كل قصدي انساك............. تاليهه بأخر بيك بالمزه الكاك
هجم بيت العين هلكد وكيحه.............. كلما يمر حلو اتكلي صيحه
لو تحط مو مكياج لو تحط حمرة …….. العوبة عوبة اضل والكَمرة كَمرة
يكفي حبيب الروح يكفي بواري..............أسست نص بغداد مي ومجاري
تدري اشوكت هلروح من حبك اتوب ؟...... من تسمع الشيطان غفروله لذنوب
ما يهز گلبه الشوگ ! شوما يجيني ؟ ... يمكن طلع بذات لو گلبه صيني
حبك يبعد الروح غير كياني .......... اشرب عرگ بجفاك حسبالي راني
كتلك تفضل فوت كل قصدي للبيت....... شمالك دفرت الباب وبقلبي طبيت
يضحك حبيب الروح حسبالي احبة ........ مايدري زوج نعال يعتك واذبة
رش الدرب تيزاب حافي أجيلك ... لك شلي بالرجلين الماتجيلك
لك لو مو ترش الدرب تيزاب لو تزرع ألغام ... لخلي اللحم طشار واوصللك عضام
| |
|
اليومية