احبك بس العشق ممنوع...

لو احجي يلزمني العيب ولو اسكت جرح كلبي ابد ميطيب
وحرت بين الجرح والعيب وحرت خافن اظل ساكت وراسي يشيب
كلي احجي شريد احجي صار الحجي بعيني دموع
كتله القلب من شافك ولك مشلوع
احبك واليصير يصير والتحجيه الك مرجوع
احبك واليحب مو عيب عند الله العشك مشروع
صفن وتمعن بوجهي وكال حبك انت من يانوع
من نوع الجواه الضيم اكل لحمه ولواه وعافه بس اضلوع
احبك مثل حب الكاع لمن تحظن المزروع
احبك مثل حب الريم تتوازه ويحد الموت لو شافت ابنها يجوع
احبك وانه ظلمة ليل وانت اللي تنورني وتصير شموع
احبك ماكدرت انساك رسمك بالجفن مطبوع
صفن وتمعن بوجهي وكال انطيني مهله اسبوع
واني سبع قرون صابر حتى الماي صار بحلكي مر مجروع
ابقى اتصارع وي الضيم ادكن بيه وارد مصروع
ولمن خلصت المده اجتني ورقه مكتوب على طارفها
احبك بس العشق ممنوع

» تعلمت العشق من همساتك...
» لعبة بيت الاشباح ممنوع اصطحاب الاطفال...
» راح اكتب احبك حسام الرسام...

إرسال الصورة

احبك بس العشق ممنوع...